My Daniel Welington watch

Daniel Wellington watches were originally inspired by a chance meeting between founder Filip Tysander and the British gentleman Daniel Wellington. Tysander was struck by Wellington’s impeccable sense of style and in particular his habit of wearing vintage watch faces on classic, weathered NATO straps. The first spark of an idea was ignited and would soon become the iconic Daniel Wellington watch brand.

The quintessentially British design features a simple, elegant and unencumbered watch face that can be moved across a variety of interchangeable NATO and leather watch straps, resulting in a versatile piece that can be worn in any way on any day of the week. The striped NATO strap was pioneered by the British navy more than 40 years ago and is featured here in a range of colours. Alternatively, the genuine leather straps with silver or rose gold plate take the watch up a notch in terms of formality.

أكمل القراءة...

تحدي الأسبوع الواحد (3)

المقالة التالته في تحدي الأسبوع الواحد بتتكلم عن
السؤال المهم في اي حاجة بتفكر تعملها واللي هوا " أنا هستفاد ايه لما ابدأ التحدي ده يعني حضرتك ؟ ! "

- اول حاجة هتستفادها انك هتعمل حاجة جديدة عليك (غالبا) ودا في حد ذاته حاجة كويسة خصوصا وانك عارف انها جديدة ومفيده وممتعه

- تاني حاجة انك بتاخد خطوة تساعدك تظبط حاجات كتير في حياتك لإن اغلب الأخطاء اللي بنعملها او الحاجات اللي بنعاني منها بتكون بسبب عادات غلط ماشيين عليها وبنعملها ومن كتر ما عقلك حافظها اكتر من اسمه فبيتعامل بيها ف كل المواقف وكأنها الوضع الافتراضي لتصرفاتك

- تالت حاجة بقى وخد بالك منها اوي وهي انك لو بدأت في لعبة التحدي دي  واشتغلت على عادة واحده كل اسبوع ف ده معناه انك هتكتسب 4 عادات ايجابية واحتمال تكون في نفس الوقت اتخلصت من 4 عادات سلبية ، متخيل "انت" النهارده و" انت" بعد شهر واحد ومكتسب عادات جديدة بتطور حياتك للأفضل ومتخلص من 4 عادات الله يسامحهم بقى على اللي عملوه قبل ما يمشوا ، ومتخيل هتبقى ضفت لنفسك ايه ؟ #تخيل_بقااااا

- رابع حاجة لو عجبتك اللعبة وقررت انك هتكمل فيها مثلا مثلا لأخر السنة بحيث انك مع بداية السنة الجديدة بإذن الله تكون بقيت إنسان جديد مترتب صح من جواه قبل براه و انسان قدر يبدل نفسه وحياته وقدر يكتسب عادات ويتخلص منها ولو حسبناها انك بتكتسب عادة واحده في الأسبوع  واحنا دلوقتي في اول مايو يعني معاك "  32 اسبوع " وتخيل انت الباقي  بقا و تخيل انت هتبقى عامل ازاي ف ليلة راس السنة ^_^

- خامس حاجة ان ممكن ، (ممكن يعني مش اكيد )
ان حد يشوفك بتتطور ف فترات قريبة ويسألك فتقوله على فكرة التحدي وانها تبان بسيطة بس هي عميقة  و بسببك يقرر ياخد الخطوة ويبدأ التحدي معاك وتخيل انت الباقي بردو  "

أكمل القراءة...

تحدي الأسبوع الواحد (2)

المقالة التاني  عن تحدي الأسبوع الواحد و ذي ما عملت مع المقالة الأولي هجاوب فيها على اسئله بتيجي على بال أي حد بيفكر او بدأ التحدي فعلا او هوضح جزئيه بتفصيل أكتر ومنها

- في فكرة تانية ممكن تتعامل بيها مع أي عاده و لكن المثال هيكون على عادة المبادرة لإن دي اللي اتعاملت معاها الأسبوع ده

الفكره هي انك هتشوف ايه الحاجات اللي بقالك فترة بتأجلها من غير سبب  وتعمل منها حاجة واحده كل يوم  يعني مثلا بقالي فترة عايزة اخرج اتفسح و عايزة اتمشي كنوع من الرياضة و من زمان عايزة اسأل على فلان او فلانه و عايزة اتعلم ربطه الطرحه دي او اعرف عن البرنامج ده نقطه معينه او اجرب اتعامل مع الآله الموسيقيه دي او عايزة اشتري حاجة وكل ده مأجله وبقول هبقي اعمله وهبقي اشتريه وهعمل وهعمل وما بتعملش وما بتعمليش ،  فالأسبوع ده هيكون فرصه كويسه جدا انك تجمع كل الحاجات اللي مأجلها من فتره و تاخد الخطوه انك تعملها وهيكون ده تطبيق عملي على اكتسابك لعادة المبادرة و تقدر تعمل كدا مع أي عادة هتختارها

التحدي بيبدأ بقرار منك ، قرار انك تطور نفسك وتعلمها ، قرار انك تاخد خطوات تبان انها بسيطة  بس تأثيرها كبير عليك  ، قرار ان بكرا اللي انت قررت انه يكون افضل من النهارده " هيكون" وانك الاسبوع الجاي هتكون افضل من الأسبوع ده

و مهم اوي تكون عارف انك في لعبه يعني بتلعب ،  ايوا ذي ما قريتها كدا " بتلعب " يعني مبسوط ورايق  وحابب تكمل علشان مستمتع بالوقت اللي بتقضيه في اللعب، بس الفرق هنا انك وانت بتلعب هتبقي بتتعلم وبتطور نفسك وبتاخد خطوات في حياتك وذي ما قولتلك تبان انها بسيطه بس عميقه 

ابدأ التحدي بعقلية لاعب الكورة  اللي هيبدأ الماتش بس عارف ان النجاح مش بالأهداف اللي هيجيبها ولكن بالطريقة اللي هيلعب بيها وبمدي استمتاعك وروقانك وانت بتلعب و بإنك بطريقتك دي هتعرف تشجع غيرك يلعب بكل روقان و انبساط زيك ، بدل ما كان شايف انه مضطر يلعب علشان مضطر يجيب جول علشان عايز ينجح

لو عرفت تكون كدا هتلاقي انك بتجيب اهداف اكتر وتركيزك بقى على ازاي العب احسن وافضل ومش ازاي انجح  وبس

أكمل القراءة...

تحدي الأسبوع الواحد (1)

دي أول مقالة هتكلم فيها عن "تحدي الأسبوع الواحد"
فكرة التحدي ده مش جديده ولكن حاولت افكر فيها بطريقة تشجعنا نبدأ  ونكون حابين اوي الخطوة دي

و في كل مقالة هجاوب على اسئلة بتيجي في بال اي حد بيفكر او بدأ فعلا التحدي

- اول حاجة ( ايه هوا تحدي الأسبوع الواحد ؟  )
فكرة التحدي بتقول اني كل اسبوع هختار حاجة واحده في حياتي سواء كانت (عادة ، صفه ) واشتغل على تطوير واتقانها طول الأسبوع

- طيب حد هيقول ازاي اقدر احدد العادة دي و درجة أهميتها ف حياتي ؟

انت هتسأل نفسك يه اكتر عادة سلبية مأثرة علي حياتك و هي السبب في حاجات مش لطيفه بتحصلك وبتختار العاده المعاكسة ليها اللي عايز تكتسبها او في طريقة تانية وهي انك تشوف ايه اكتر عادة إيجابية انت شايف انها هتضيف لحياتك كتير لو اكتسبتها وبناء على النقطتين دول بتقدر تحدد العادة اللي هتشتغل على تعلمها او تطويرها واتقانها الاسبوع ده

"على سبيل المثال لا الحصر " حد شايف انه بروفيسور في التخطيط وكتابة الخطط وخصوصا خصوصا اللي بتبقي ف اول السنة،  بس ساعة التنفيذ بيلاقي 100 حاجة تخليه ما يبدأش وتخلص السنة وتيجي اللي وراها و مفيش خطوات بتتاخد . طيب هنا نقدر نقول انه عادة التسويف او المماطلة اخده راحتها و عايشة حياتها و هوا مش قادر يقول لها " فيتووو" وبناء عليه هيقرر ان العادة اللي هيشتغل على اكتسابها او تطويرها الاسبوع ده هتكون عكس عادة التسويف ولتكن مثلا اسمها ( المبادرة)

- وطيب وبعد ما عرفت وقررت هعمل ايه ؟ ! !
هتيجي للخطوة اللي بعدها وهي انك تشوف ازاي ممكن تكتسب العادة دي سواء بإنك تقرأ عنها او تشوف حد مكتسبها وتتعلم منه عنها او بحاجة مهمه جدا وانا عن نفسب جربتها ولقيت انها اهم خطوة
واللي هي انك تعمل حاجات او تاخد خطوة في حياتك بناءا على العادة دي

هوضح بمثال عني ك "هبه" انا بدأت التحدي الاسبوع ده وكانت العادة اللي هشتغل عليها هي "المبادرة " فقولت لنفسي انا هاخد خطوات كنت بأجلها كتير ومش بعملها مع انها كانت مهمه جدا تتعمل وهي اني اعيد تصميم مدونتي بشكل يكون أفضل واكتب مقالات عن التحدي و هشرح فيها كل حاجة تخصه و هعمل فيديو اتكلم فيه بردو عن التحدي ذي ما عملت فيديو لتحدي ال100 يوم سعادة من 3 شهور وفعلا بدأت والمقالة اللي قلت هكتبها اهيه انتم بتقرأوها دلوقتي   ^_^

طبعا بفضل ربنا ثم بفضل تركيزي على عادة المباردة واللي في نفس الوقت بكون لغيت عادة التسويف بس وانا مركزه على الجزء اللي عيزاه يزيد (المبادرة ) مش الجزء اللي عيزاه يختفي (التسويف)
يعني مش بقول بتخلص من التسويف ولكن بقول اني بكتسب عادة المبادرة وبركز على كل حاجة تساعدني اكتسبها او اطورها او اتقنها او او .

أكمل القراءة...

بــتــســامــحــي لإنــك تــســتــاهــلــي

هو انتي لو سامحتيهم هتخسي ولا هتطخني ؟ ! ! لا بجد يعني   

 ماهو اكيد هيحصلك حاجة من الاتنين وانتي خايفه تحصلك فمش عايزه او مش قااادره تسامحي لتحصلك 

عارفة ان كل واحده زعلها كبير عندها ووجعها مش بيكون سهل انها تنساه بسهولة ف ازاي هتسامحي وانتي مش عارفة تنسي أساسا !

عايزة اقولك ان مفيش حد بينسي مواقف في حياته سواء كانت حلوة او وحشة ، محدش يقدر يلغي دقيقه واحده من عمره ولا حد طلب منك تنسي اصلا 

‫ولكن  ✋ في حد عايز يعيش مرتاح ومش عاجبه انه يفضل مربوط في مكانه بسبب زعله 
وشايف ان حياته اكبر وأهم من انه يضيعها في الغيظ والضيق والزعل

و على فكرة انتي مش بتسامحي علشانهم سواء يستاهلوا او لأ

 انتي تستاهلي تشيلي من عليكي طاقة الضيق و الهم والزعلانتي بتسامحي علشان 

انتي بتسامحي لأنك عارفة ان قيمتك عندك وقيمة لحظات حياتك وعمره كله أهم من انك تضيعيها ف الزعل من حد لأن طول ما انتي متضايقه مش هتقدري تكوني في احسن حالاتك وبالتالي انتي بنص روح ، ونص جهد ، ونص تركيز ، ونص كل حاجة حلوة كنتي هتعمليها

انتي بتسامحي لأنك مؤمنه بالأيات اللي بتقول : 
وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ - 
فَمَنْ عَفَا وَأَصْلَحَ فَأَجْرُهُ عَلَى اللَّهِ - 
والعافين عن الناس والله يحب المحسنين - 

- و ما تنفقوا من خير يوف إليكم

وتخيلي لو عشتي حياتك بتطبقي آيه واحده من القرآن و بتحاولي مع نفسك علشان تعيشيها وتكوني من المحسنين اللي بيحسنوا لنفسهم و بيريحوها مش بيضيقوا عليها بالزعل او غيره وعارفة كمان انك بتنفقي تسامح ورحمة وعفو و أكيد هيترد لك

انتي تستاهلي تعيشي رايقه ، مبسوطه وعندك طاقة جميلة تخليكي تقدري تضيفي لحياتك كل حاجة تبسطك وتسعدك

انتي بتسامحي لأنك عارفة انك لو عايزة تعرفي ايامك وسنينك الجاية شكلها هيكون ايه ف بصي عليكي دلوقتي واعرفي انك هتكوني في زياده من نفس اللي انتي فيه سواء كان عاجبك او لأ

وطالما اللي انتي فيه هيزيد يبقي خليكي على حاجة تحبي انها تزيد اكتر واكتر

و مش معنى انك بتسامحي انك ترجعي تتكلمي وتتعاملي عادي ويرجع الود بينكم ذي الأول ولكن معناه انك مش متخاصمه ومش متضايقه منه ولا بتزعلي لما تفتكري مواقفه وبس 

عيزاكي توصلي لمرحلة انك تقولي انا مليش في الزعل والجو ده انا واحده رايقه واستاهل اتبسط 
محدش يستاهل وقتي وتفكيري وطاقتي ومشاعري 
اعصابي ودمي و صحتي غالية عندي و هحافظ عليهم 

وافتكري انك بتسامحي لأنك انتي اللي تستاهلي تسامحي 

أكمل القراءة...

ثــــقـــي فـــي نـــفـــســـــك

" خليكي واثقة في نفسك  " الكلمة دي سمعناها كتير ومن كتر ما سمعناها مبقناش نحس بيها ولا نتوقع انها هتساعدنا في اي حاجة عايزين نعملها وحتي لو اقتنعنا فبيبقي السؤال " ايوا حضرتك  .. يعني اعمل ايه ! ! " 

يعني تلاقي واحده مش عارفه تتكلم مع حد وتاخد حقها منه فيقولولها يا بنتي خليكي واثقه في نفسك وروحي كلميه

او واحده مكسوفه علي طول فصحبتها تقولها  اجمدي كدا وثقي في نفسك انتي حد جميل اوى  

اتكلمي وعيشي حياتك

والحقيقة انه كل اللي حصل ده ملوش علاقة وطيدة بــ " الثقة بالنفس "  ولكن ليه علاقة اكتر بحاجة  اسمها " التقدير الذاتي " وفرق كبير اوي بين انك تكون واثق بنفسك وبين انك تقدرها 

الثقة بالنفس يعني اعمل حاجة واعملها كويس وابقي شاطره فيها فتديني ثقة اني اقدر اعملها تاني واخد منها ثقةاني اقدر اعمل اي حاجة جديدة عليا لاني جربت نفسي قبل كدا في حاجات ولقيت اني بقدر اعملها  فتحسي ان اوبشن القدرة عندك شغال كويس

اما بقي تقدير الذات هو انك تكوني حابه نفسك بكل ما فيها من خير وشر ومميزات وعيوب وبكل اللي ينفع او ما ينفعش يكون فيها يعني قبلاكي وانتي  شقيه وطيبه و محترمه و خلوقه  و شاطره بنفس الدرجة اللي قبلاكي بيها وانتي رخمه و مكلكعه و  شرانيه وكئيبه

لما بتكوني واثقه انك تقدري تعملي اي حاجة انتي عيزاها طالما هي صح انها تتعمل فمفيش حد او حاجة هيقدر يمنعك او يوقفك  

وتكوني  عارفه قيمه نفسك اوي ومقدراها وعارفه  انها تستحق كل حاجة جميلة لانك انتي اصلا جميلة فطبيعي يكون كل اللي بيحصلك من نفس جمالك

ف انتي هنا حققتي المعادلة الصح وبدأتي من جوا قبل ما تبدأي طبعا من برا

ضروري تكوني حابه نفسك  علشان تعرفي تبقي مبسوطة وتقولي انا سعيدة

لإن ُعمر السعاده ما كانت بتيجي من برا ومهما تدوري عليها في اي حاجة حواليكي مش هتعرفي تحسيها الا لو كنتي عمرانه بيها من جواكي الاول

حبي نفسك وثقي انها تقدر وجربي وانتي قدها 

أكمل القراءة...

اوعـي يـحـركـك كـلام الـنـاس

لو بتحبي نفسك  اوعي يحركك كلام الناس 

اوعي تاخدي قرار بناء علي معتقداتهم

اوعي تحبي وتكرهي بناء على معيارهم ف الحب والكره

 اوعي تاخدي وتسيبي بناء على آرائهم

اوعي تقتنعي علشان هما مقتنعين

اوعي تتكلمي او تسكتي علشان الناس شايفة كدا

اوعي ترفضي حاجة علشان مش هتعجبهم لو قبلتيها

لإن يوم ما هيحصلك اي حاجة محدش هييجي يزعل بدالك ولا حد هيتأثر بالنتيجة قدك

 و لكن  " ما خاب من استشار "

انك تستشيري حد مش معناه انك تاخدي برأيه وتنفذيه من غير ما تعدي بكلامه على عقلك وقلبك الأول و يا ترتاحي له وتعملي بالاستشارة دي ، يا مترتاحيش وما تاخديش بيها 

و شكرا لهم في الحالتين 

" اعملي الصح علشان هوا صح انه يتعمل وما تعمليش الغلط علشان هوا غلط انه يتعمل " 

مش علشان الناس شايفه انه المفروض يتعمل تحت اي سبب هما مقتنعين به 

 او الناس شايفة انه المفروض ما يتعملش تحت اي سبب هما مقتنعين به

" اعملي الصح علشان هوا صح انه يتعمل وما تعمليش الغلط علشان هوا غلط انه يتع

خليكي واعيه لمساحة الناس وآرائها في حياتك  لأنك صاحبة قرارك 

أكمل القراءة...